1. "Əməliyyat üçün 5 yaşı gözləmək lazımdır." Əməliyyatın vaxtını göstəriş müəyyən edir. Bu fikir əməliyyatların yerli keyitmə ilə aparıldığı dövrdən qalıb.
2. "Adenoid mütləq öz-özünə keçəcək." Kiçilə bilər, amma gözləmə dövründə yaranan eşitmə, yuxu və üz-çənə problemləri bəzən geri dönməz olur.
3. "Əməliyyatdan sonra uşağın immuniteti zəifləyəcək." Adenoid immun sistemin kiçik bir hissəsidir; orqanizmdə başqa limfoid toxumalar bu funksiyanı davam etdirir. Əməliyyat qərarı fayda və risk müqayisə edilərək verilir.
4. "Ağzı açıq yatmaq, yastığı islatmaq qurd əlamətidir." Ağızla nəfəs və gecə ağızdan su axması ilk növbədə burun tənəffüsünün pozulduğunu göstərir. İlk addım burun və burun-udlağın müayinəsidir.
5. "Adenoid yenə böyüyəcək, əməliyyatın mənası yoxdur." Qalıq toxumanın yenidən böyüməsi nadir haldır və kontrol müayinələrdə izlənilir.
6. "Burnu açılmayan hər uşaqda adenoid var." Burun tutulması allergiya, burunda yad cisim, çəpər əyriliyi və başqa səbəblərdən də ola bilər. Diaqnoz endoskopik müayinə ilə dəqiqləşdirilir.