Burun polipləri nədir?
Qısa cavab
Burun polipləri burun boşluğunun və sinusların selikli qişasından çıxan yumşaq, xoşxassəli törəmələrdir. Adətən xroniki iltihab fonunda, çox vaxt hər iki tərəfdə yaranır. Böyüdükcə burun keçidini tutur, qoxu hissini azaldır və sinusların drenajını pozur. Astma və bəzi dərmanlara həssaslıqla birlikdə rast gəlinə bilər.
Antroxoanal polip nədir?
Antroxoanal polip haymor sinusundan başlayıb burun-udlağa doğru uzanan, adətən bir tərəfli tək polipdir. Gənc yaşlarda daha çox rast gəlinir və burun tutulması ilə özünü göstərir. Müalicəsi cərrahidir: polip kökü ilə birlikdə endoskopik yolla xaric edilir.
Əlamətlər
- davamlı burun tutulması, ağızla nəfəs;
- qoxu və dad hissinin azalması;
- burun axıntısı, boğaza axan selik;
- baş ağrısı, üzdə təzyiq;
- xoruldama.
Müalicə
Müalicə polipin növünə və həcminə görə seçilir. Kiçik, iki tərəfli poliplərdə əvvəlcə həkim tərəfindən təyin edilən steroid spreylər və digər dərmanlar tətbiq olunur. Dərmana cavab verməyən, nəfəsi ciddi pozan poliplər FESC ilə götürülür. Poliplər təkrarlana bildiyi üçün əməliyyatdan sonra müntəzəm nəzarət və dərman müalicəsi vacibdir. Bir tərəfli polipin mütləq histoloji müayinəsi aparılır.
Həkimin təcrübəsi
Op. Dr. Dilşad Şadlinskayanın öz praktikasından
- Dr. Şadlinskaya bütün sinusları dolduran poliplərin xaricdən kəsik olmadan, tam endoskopik təmizləndiyi və antroxoanal polipin endoskopik götürüldüyü halları paylaşıb.
- Polip əməliyyatlarından sonra kontrol müayinələrin "şərt" olduğunu vurğulayır.